Англија | Според медиумите од Холандија, Мемфис Депај одбил повисока плата од ПСЖ бидејќи сакал да се пресели на Олд Трафорд и да соработува со Луј ван Гал...
’Црвените Ѓаволи’ и ПСВ вчера соопштија дека постигнале согласност за трансфер на Мемфис Депај на Олд Трафорд.
Директорот на ПСВ, Марсел Брандс откри дека зделката била договорена за само 48 часа, и тоа откако новиот шампион на Холандија ја прифатил понудата на ПСЖ.
„ПСЖ пројави сериозен интерес уште во јануари” – вели Брандс. „Ги договоривме деталите за зделката со нив, и доколку пред два дена ме прашавте каде ќе се пресели Депај, ќе ви кажав Париз”.
„Но Манчестер Јунајтед реагираше експресно, и во изминатите 48 часа успеа да постигне договор со нас”.
„На крајот, играчот е тој што донесе одлука и Мемфис реши дека го сака Манчестер”.
Според весникот AD, понудата на ПСЖ била подобра од онаа на Манчестер Јунајтед, Мемфис Депај ќе имал поголема плата доколку се преселел во Париз.
Но играчот сакал да се пресели на Олд Трафорд и да соработува со сонародникот Луј ван Гал па затоа го одбрал најтрофејниот клуб од Англија.
За преселбата во Манчестер, Депај вчера рече: „Не е лесно да направите избор кога имате понуди од неколку клубови, но Манчестер Јунајтед е клубот од соништата. Исто така ќе можам одново да соработувам со Луј ван Гал, па тоа е додатен бонус”.
Медиумите од ’Островото’ исто така пренесуваат дека Депај му кажал НЕ и на Ливерпул.
Извор: 24FUDBAL.com.mk
