Англија | Агентот на Јаја Туре, Димитри Селук во разговор со Sky Sports News открил дека големи се шансите неговиот клиент да замине од Манчестер Сити ова лето...



Репрезентативецот на БСК беше еден од најдобрите играчи на ’Граѓаните’ минатата сезона, но оваа сезона игра под очекувањата па често се говори за неговата иднина.
 
Новинарката на Sky Sports, Ејми Луис на Твитер напиша дека агентот на Јаја Туре сега и потврдил дека неговиот клиент има 90% шанси да замине од Манчестер Сити летоска.
 
Тој истакнал дека три клубови пројавуваат сериозен интерес но одбил да открива имиња.
 
Следната недела најверојатно ќе има средба со преставници на Манчестер Сити по која ќе се добие појасна слика за иднината на Јаја Туре.
 
Репрезентативецот на БСК силно се поврзува со трансфер во Интер, Роберто Манчини не крие дека одново посакува да соработува со Јаја Туре и во неколку наврати јавно кажа дека сака да го види играчот на Џузепе Меаца.

Извор: 24FUDBAL.com.mk