МЕНИ

Лига на Шампиони | Меси има само позитивни импресии од Пеп Гвардиола, но вели дека не контактира со него откако тој ја напушти Барселона...

Барселона и Меси своите најдобри години ги имаа под водство на Пеп Гвардиола кој утре на Камп Ноу ќе се појави како тренер на Баерн Минхен.

На денешната прес конференција, Меси имаше позитивни зборови за својот поранешен тренер, но и потврди дека не контактираат откако се разделиле.

„Поминавме одличен период со Пеп во Барселона. Освоивме многу трофеи, јас напредував многу, тоа беше периодот во кој созреав највеќе како фудбалер" - изјави Меси на денешната прес конференција.

„Имавме фантастичен однос кога беше тука. Неколку пати го имам видено откако замина, но веќе немаме никаков контакт".

„Гвардиола добро не познава. Имавме среќа под негово водство да освоиме многу титули. Тој му дал многу на овој клуб и мислам дека ќе има добар пречек, но фановите ќе го подржат нашиот клуб и ќе сакаат ние да го добиеме мечот. Пред да почне натпреварот ќе го поздрават, но потоа ќе навиваат за нас".

„Не сакам да споредувам тренери. Секој е различен и секогаш кога ќе дојде нов тренер очекуваме промени. И Луис Енрике и Пеп се обидуваат да бидат блиски со фудбалерите и да креираат добра атмосфера".