Лига на Шампиони | Тренерот на Јувентус, Масимо Алегри му ја препушта фаворитската улога на Реал Мадрид, но вели дека тие ќе направат се за да се пласираат во финалето од Лигата на шампионите...



Вечерва започнуваат полуфиналните битки во Лигата на шампионите, први на мегдан излегуваат Јувентус и Реал Мадрид.
 
„Полуфинале е, тие се шампиони на Европа, па имаат подобри шанси од нас. Но ова не е полуфинале каде што можете да речете дека немате што да загубите, можеме да ја загубиме шансата да бидеме во финалето. Имаме шанси, но да не заборавиме дека играме против многу силен противник" - вели Алегри.
 
„Сигурно и двата натпревари нема да завршат 0-0, па ќе мора да бидеме добри во нападот. Ќе беше подобро ако играа Модриќ и Погба, но се надеваме дека Погба ќе биде подготвен за реваншот".
 
„Во фудбалот најважен е резултатот. На стартот од сезоната се може да биде кажано, но на крајот остануваат само резултатите. Ние имаме некои добри резултати и горд и среќен сум на тоа".

Извор: 24FUDBAL.com.mk