Лига на Шампиони | Пеп Гвардиола нема да може да смета на Франк Рибери на утрешниот дуел против Барселона, добра вест е тоа што Роберт Левандовски е во комбинација за настап...



’Баварците’ мака мачат со повредите во пресрет на полу-финалната пресметка со Барса во Лигата на Шампионите.
 
Од поодамна се знаеше дека Арјен Робен, Давид Алаба и Холгер Бадштубер нема да настапат, Франк Рибери беше под знак прашалник, но утрово и тој отпадна од комбинација и не отпатува за Барселона.

Поради повреда на мускулот и Себастијан Роде остана во Минхен, но добра вест е тоа што во авионот се качи Роберт Левановски, кој минатата недела заработи неколку фрактури на лицето.
 
Напаѓачот вчера тренираше со заштитна маска и големи се шансите од првата минута да го започнена натпреварот на Камп Ноу.
 
„Се е во ред. Ќе видиме утре како ќе се чувствувам, но не се плашам од ништо” – рече Полјакот.

Извор: 24FUDBAL.com.mk