МЕНИ

Англија | Иако претходно работеше и со Арсен Венгер и Пеп Гвардиола, Сеск Фабрегас смета дека Жозе Мурињо е најдобриот тренер...

Сеск Фабрегас беше една од клучните фигури на Челзи за освојување на титулата во Премиерлигата, за него прва во кариерата.

Иако работеше под водство на Венгер и Гвардиола, Фабрегас смета дека Жозе Мурињо е тренерот број еден.

„Мурињо едноставно сака да победува. Не велам дека другите тренери за кои сум играл не сакале, но тој име нешто што го става пред другите со кои сум работел" - вели Фабрегас.

„Гледајќи го неговиот менталитет кој го покажува буквално на секој тренинг и натпревар, разбирам зошто освоил се што освоил во кариерата. Тој е најдобриот тренер кој секогаш знае како да дојде до големи резултати".

„Мурињо има некоја магија, знае како да го менаџира тимот, знае како да го извади најдоброто од вас и тоа е тоа што го сакате од вашиот тренер".

„Верувајте, не е лесно како тренер да мотивирате играч на секои три дена кога треба да одиграте 60 натпревари во сезоната. Сите мислат ека имаме широк состав, но не е така, имаме 22 фудбалери и некои од нив се од академијата, под 21 година. Па не е лесно. Мурињо извршува фантастична работа".

Пред натпреварот со Кристал Палас, на Фабрегас му била дадена задачата да одржи говор во соблекувалната. А доколку Петр Чех замине од Челзи, Сеск ќе биде поставен за заменик капитен на тимот.

„Пред секој натпревар, одреден фудбалер држи говор и менаџерот ми дозволи овој пат јас да го направам тоа, да се почувствувам како лидер, како значаен за тимот и тоа секогаш е добро за играчот, да почувствува доверба од менаџерот".

„Јас го држев говорот пред натпреварот со Кристал Палас. Тоа беше посебно нешто, не можам да ви кажам што кажав, но беше успешно, па среќен сум".