Лига на Шампиони Карло Анчелоти вели дека цела Италија, освен фановите на Интер, ќе сакаат Челзи да победи на утрешниот дуел со Нероаѕурите во Лигата на Шампионите

Во пресрет на утрешниот дуел во Лигата на Шампионите помеѓу Интер и Челзи, Карло Анчелоти започна мала психолошка војна со својот колега Мурињво, велејќи дека цела Италија ќе сака Челзи да го совлада Интер поради начинот на кој Португалецот се однесува.

Анчелоти и Мурињо не се во добри односи откако минатата година тие беа конкуренти предводејќи ги двата Милански ривали.

Ваквите зборови на стратегот на Челзи доаѓаат само еден ден откако Жозе Мурињо доби три натпревари суспензија и парична казна од 40 000 евра поради тоа што на дуелот со Сампдорија, покажа гест со кој имитираше лисици.

Анчелоти за весникот од Италија, Il Giornale рече дека однесувањето на Мурињо ќе придонесе “цела Италија, освен фановите на Интер, да навиваат за Челзи утревечер“.

Италијанецот потоа додаде: “Вистина е дека по него (Мурињо) никој не освои ништо со Челзи, иако еден тип што се вика Грант немаше толку лош престој и беше блиску до освојување на Лигата на Шампионите.”

“Мурињо е добар за да ја наелекризира атмосферата и тимот, но тоа е подрачје каде што јас никогаш нема да одам.”

Powered by: 24 FUDBAL.com.mk