Италија | Медиумите од Италија пренесуваат дека сопственикот на Милан, Силвио Берлускони денеска ќе има уште една средба со бизнисменот од Тајланд, Би Таечобол...



Преговорите за продажба на Милан влегуваат во завршна фаза, најверојатно ќе бидат финиширани денеска и ’Росоњерите’ ќе добијат нов сопственик.
 
Поранешниот Премиер на Италија и бизнисменот од Тајланд, Би Таечобол вчера имаа серија преговори кои траеа околу 4 часа.
 
Според медиумите од Италија, двајцата одново ќе се сретнат денеска во 14 часот во вилата на Силвио Берлускони за да ја комплетираат зделката.
 
Би Таечобол треба да добие околу 60% од акциите на Милан за кои ќе плати околу 500 милиони евра.
 
Извештаите велат дека попладнево во хотелот во кој престојува Би Таечобол ќе се одржи пресконференција на која ќе стигне потврда за превземањето на Милан од страна на бизнисменот од Тајланд.

Извор: 24FUDBAL.com.mk