МЕНИ

Германија | Лоши вести за Пеп Гвардиола и Баерн Минхен, поради повреда на листот на ногата, заврши сезоната за Арјен Робен...

Холанѓанецот беше пет недели надвор од стројот поради повреда на задната ложа, и ’Баварците’ нестрпливо го чекаа неговиот кам-бек во клучниот дел од сезоната и борбата за тројната круна.

Арјен Робен вчера влезе од клупата за резерви на деулот против Борусија Дортмунд во полу-финалето од Купот на Германија, но на теренот помина едвај 15 минути.

Лекарските прегледи покажале дека Холанѓанецот, кој е најдобар стрелец на Баерн во Бундеслигата со 17 погодоци, го скинал листот на ногата и повеќе нема да игра оваа сезона.

Но овде не застануваат проблемите за Пеп Гвардиола.

На вчерашниот дуел со ’Милионерите’ повреда заработи и напаѓачот Роберт Левандовски, кој кон финишот на средбата имаше судир со гостинскиот голман.

Полјакот имал потрес на мозокот, фрактура на носот како и фрактура на горната вилица.

Лекарскиот тим ќе ја следи неговата ситуација во следните денови, но најверојатно тој нема да биде во комбинација за првиот натпревар против Барселона во полу-финалето од Лигата на Шампионите.

Најпесимистичките пргонози велат дека можно е сезоната да е завршена и за Роберт Левандовски.