Шпанија | Медиумите од Шпанија пренесуваат дека ФИФА ќе ги казни и Реал Мадрид и Атлетико Мадрид со забрана за ангажман на нови играчи во два последователни трансфер периоди...
Европската куќа на фудбалот минатата година и наметна трансфер ембарго на Барселона поради прекршување на правилата за ангажман на малолетни фудбалери од странство.
’Каталонците’ не можеа да пазарат играчи во јануари, а нема да го засилат составот ниту во летниот преоден рок.
Според медиумите од Шпанија, ваква слична казна, односно трансфер ембарго од една година, сега ги чека и Реал Мадрид и Атлетико Мадрид.
Радио станицата Cadena SER утрово пренесе дека клубот од Висенте Калдерон прв ќе биде казнет, ’Јорганџиите’ во скоро време ќе добијат официјална потврда од ФИФА.
Marca повикувајќи се на свои блиску извори вели дека Фудбалската Федерација на Шпанија е известена за нерегуларностите на Атлетико, но до ФФШ сеуште нема пристигнато известување за Реал.
’Кралевите’ во јануари потрошија 50 милиони евра за ангажман на Мартин Одегард, Асенсио, Лукас Силва и Данило, и многумина сметаат дека Реал со ваквиот потег се подготвувал за трансфер ембарго.
Извор: 24FUDBAL.com.mk
