Шпанија | Талентираниот Мартин Одегард доби повик за утрешниот дуел со Алмерија, 16 годишниот Норвежанец има прилика да дебитира за Реал Мадрид...



За дуелот против Алмерија, Карло Анчелоти не може да смета на неколку фудбалери, Модриќ, Бејл и Бензема се повредени, а Рамос и Карвахал се суспендирани.
 
Па Карло Анчелоти на поширокиот список вметна тројца младинци помеѓу кои и супер-талентираниот Мартин Одегард.
 
„За утре се повикани тројца фудбалери од академијата. Тоа се Одегард, Мајорал и Диего Љоренте” – изјави тренерот на Реал на денешната прес-конференција.
 
„Двајца од нив ќе се најдат на клупата за резерви и ќе имаат шанса за настап”.
 
Норвешкото чудо од дете во јануари се пресели на Сантијаго Бернабеу, и својата авантура ја започна во Реал Мадрид Б.
 
Неодамна тој се најде во центарот на медиумското внимание поради лошото однесување и кавгата со тренерот Зинедин Зидан.
 
Медиумите тогаш пишуваа дека 16 годишниот Мартин Одегард одбивал да тренира со своите врзници сметајќи дека е доволно добар за првиот тим на Реал Мадрид.

Извор: 24FUDBAL.com.mk