Франција | Претседателот на ’Светците’, Насер Ал Келаифи вели дека Единсон Кавани не е на продажба, напаѓачот и следната сезона ќе настапува на Паркот на Принцовите...



Репрезентативецот на Уругвај во 2013 се пресели во Париз во трансфер вреден 64 милиони евра, но никако не успева да блесне во дресот на ПСЖ.
 
Ова се должи и на фактот дека Златан Ибрахимовиќ е прв напаѓач, па Единсон Кавани често е приморан да игра по крилните позиции.
 
Се говори дека играчот не е задоволен од својот статус, и по крајот на сезоната би можел да замине од Паркот на Принцовите.
 
Неколку клубови од Премиерлигата се заинтересирани за неговите услуги, но според првиот човек на ПСЖ, Насер Ал Келаифи, популарниот ’Ел Матадор’ останува во главниот град на Франција.
 
„Кавани е млад, тој е иднината на клубот” – вели претседателот на ПСЖ во разговор со Le Parisien.
 
„Потребна му е поголема самодоверба, но на последните натпревари покажа со каков талент располага”.
 
„Ќе остане во Париз и следната сезона”.
 
Запрашан дали понуда од 50 милиони евра од Манчестер Јунајтед ќе го промени неговиот став, Ал Келаифи одговори: „Нема ни да ја погледнам понудата”.

Извор: 24FUDBAL.com.mk