Италија Тренерот на Интер, Жозе Мурињо доби три натпревари суспензија и парична казна од 40 000 евра за гестикулациите направени за време на дуелот помеѓу Интер и Сампдорија

Покрај Мурињо казни добија, Камбијас и Мунтари кои ќе мора да одмараат по два натпревари а Кордоба и Самуел кој добија црвени картони ќе паузираат по еден натпревар.

Тренерот на Интер, Жозе Мурињо доби суспензија од три натпревари поради гестикулацијата со рацете на дуелот против Сампдорија во саботата.

Стратегот на Интер, Мурињо три натпревари во Серија А нема да биде на клупата на Нерозурите, вака одлучи Лега Калчо.

Со своето иронично однесување, покрај судијата Таљавенто, Мурињо беше една од централните фигури на натпреварот помеѓу Интер и Сампдорија кој заврши без голови.

На тој дуел судијата ги рано ги исклучи Волтер Самуел и Иван Кордоба, а подоцна при еден прекршок врз Луисио при кои фудбалерот на Сампдорија зарботи жолт картон, Мурињо со гестикулација оцени дека таквиот старт заслужува казна затвор.

Покрај тоа, Португалецот хистерично се смееше при жолтиот картон на Самуел Ето кој го доби за глумење пенал.

Спортскиот судија, Џампаоло Тосел му изрече три натпревари суспензија на Мурињо, сметајќи дека стратегот на Интер постојано ги оспорува одлуките на судиите и преку разни гестови бесрамно ги вреѓа нив и нивните помошници.

Исто така Мурињо ќе треба да плати и 40 000 евра казна.

По еден натпревар суспензија заработија Кордоба и Самуел за црвените картони, додека Камбијасо и Мунтари се казнето со по два натпревари.

Аргентинецот наводно се обидел да удри еден од играчите на Сампдорија на патот кон соблекувалната на полувремето, додека Мунтари ги навредувал официјалните лица на патот до клупата кога беше заменет.

Powered by: 24 FUDBAL.com.mk