Јужна Америка Играчот на Коринтијанс, Роналдо открива дека го проодлжил договорот до крјаот на 2011 кога ќе се повлече од активното играње фудбал

На денешната прес-конференција во родниот Бразил, Роналдо ја откри својата намера да се пензинира кога ќе истече неговиот договор со Коринтијанс во 2011.

Поранешниот играч на ПСВ, Барселона, Интер, Реал Мадрид и Милан потврди дека го обновил договорот со Коринтијанс до 31 декември 2011 и воедно тоа ќе биде неговиот последен договор.

Роналдо тогаш ќе стави крај на својата извонредно успешна кариера.

“Го обновив мојот договор за уште две години и ова ќе биде мојот последне договор.” – рече Роналдо.

“Ќе игра до 31 декември 2011 и тогаш ќе се повлечам од активното играње фудбал.”

“Сакам да го дадам максимумот за Коринтијанс и да бидам во можност да ја завршам кариерата освојувајќи нешто многу важно во овој дрес.”

Секако една од желбите на Роналдо е да настапи на завршницата од Светскиот Шампионат во Јужна Африка иако самиот играч е свесен дека шансите за тоа се многу мали бидејќи до сега Дунга ниту еднаш не го повикал напаѓачот.

“Знам дека сеуште има можност да отидам на мондијалот но знам дека шансите за тоа се мали.”

“Сигурно дека е невозможно да учествувам на мондијалот во 2014.” – прокементира на шала напаѓачот.

По завршувањето на кариерата како фудбалер, се очекува Роналдо да добие улога во управата на Коринтијанс и ќе стане директор на клубот.

Powered by: 24 FUDBAL.com.mk