МЕНИ

Лига на Шампиони | Карло Анчелоти вели дека Реал Мадрид го има најдобриот состав во светот, па ’Кралевите’ можат да се справат со повредите...

За реванш натпреварот со Атлетико Мадрид до четврт-финалето од Лигата на Шампионите, Карло Анчелоти нема да може да смета на повредените Карим Бензема, Герет Бејл и Лука Модриќ, како и суспендираниот Марсело.

„Повредите се составен дел од фудбалот, и минатата сезона на неколку важни натпревари игравме без Роналдо, Бејл или Алонсо” – рече тренерот на ’Кралевите’ на прес конференцијата.

„Во неколку наврати кажав дека на располагање го имам најдобриот состав во светот, па важно е да се фокусираме на оние кои ќе настапат”.

„Ќе употребиме свежи играчи, кои се 100% фит, полни со ентузијазам и ќе помогнат да ја повториме играта од првиот натпревар”.

Реал и Атлетико оваа сезона се сретнаа дури 7 пати а ’Кралевите’ не славеа на ниту еден натпревар.

„Ги немаме победено оваа сезона бидејќи Атлетико е многу силен тим со една од најдобрите одбрани во светот”.

„Тешко е да се постигне гол против нив. Но првите 45 минути од дуелот на Висенте Калдерон ни дават самодоверба”.

„Ќе треба да бидеме трпеливи, целта е да го добиеме двомечот”.

„Сигурен сум дека на Атлетико нема да му се брза да постигне гол, па и ние ќе играме така”.