МЕНИ

Италија | Агентот на Пол Погба вели дека добива по 20 телефонски повици дневно, но до овој момент ниту една понуда не е доволно добра за неговиот клиент да замине од Јувентус...

Французинот важи за една од најголемите млади ѕвезди во светот на фудбалот, па голем број на клубови се подготвени да го одврзат ќесето и да одвојат мало богатство за неговиот услуги.

Во разговор со La Stampa, Мино Раиола открива дека дневно добива по 20 повици за Пол Погба, но до овој момент не добил понуда доволно добра за неговиот клиент да замине од Јувентус.

„Од почетокот на сезоната добив преку 2000 телефонски повици, околу 20 дневно” – вели агентот на Пол Погба.

„Добив многу понуди за брак, но ниту една не беше доволно вредна за да ја прифатам”.

„Со Јувентус потпишавме пет годишен договор, но сите сме џентлмени, па ако пристигне права понуда, ќе ја прифатиме”.

Мино Раиола исто така очекува Јувентус со парите од продажбата на Пол Погба да донесе неколку квалитетни играчи и да изгради нов шампионски тим.

„Но она што ќе биде најважно за Јуве е да направи реконструкција на тимот со овие пари, во спротивно за две години од сега ќе говориме за тоа како ’Старата Дама’ направила грешка”.

„Треба да правите промени кога сте силни, кога сте на врвот, а не кога сте приморани. Следната година Јуве би можел да има четири или пет нови играчи”.

„Се сеќавате на времето кога Зинедин Зидан беше продаден?”