Англија | Медиумите од Англија пренесуваат дека фудбалерот од средниот ред на Манчестер Сити, Давид Силва нема фрактура на јаболчницата...



Шпанецот доби лакт во лице на вчерашниот дуел помеѓу Манчестер Сити и Вест Хем, лекарскиот тим на ’Граѓаните’ околу 8 минути му укажуваше помош за потоа играчот внимателно да биде качен на носилки и изнесен надвор од теренот.
 
Се стравуваше дека Давид Силва заработил фрактура на јаболчницата, но медиумите од ’Островото’ пренесуваат дека деталните тестови донеле добри вести за актуелниот шампион на Англија.
 
Сите тестовите биле позитивни, играчот нема посериозна повреда и вчера во вечерните часови ја напуштил болницата.
 
„Благодарам за поддршката, сите тестови се добри и си одам дома. Најважно е што освоивме три бода” – напиша Давид Силва на Твитер.
 
Лекарскиот тим на Манчестер Сити ќе продолжи да ја следи ситуацијата на Шпанецот во следните денови, но најверојатно тој ќе биде во комбинација за дуелот со Астон Вила во сабота.

Извор: 24FUDBAL.com.mk