Лига на Шампиони | Тренерот на Баерн Минхен, Пеп Гвардиола не е задоволен од поразот од 3-1 н а гостувањето кај Порто, но верува дека пред своите фанови можат да ја надополнат негативата...
’Баварците’ потфрлија вчера и на Порто му подарија значајна победа, домаќините максимално ги искористија киксовите на Чаби Алонсо, Данте и Жером Боатенг и постигнаа три гола.
Погодокот на Тијаго Алкантара е мала утеха за шампионот на Германија, кој пред своите фанови сега ќе треба да надополни два гола негатива.
„Ова беше типичен натпревар од Лигата на Шампионите” – вели Пеп Гвардиола. „По десет минути губевме со 2-0”.
„Разочарани сме, но имаме шест дена да се подготвиме за реваншот, да се релаксираме, да тренираме, да анализираме, да видиме што можеме да направиме и кои играчи ни се на располагање”.
„Резултатот е тежок, но ќе се обидеме да одиграме подобро и да ја надополниме негативата”.
„Голот на Алкантара е важен но не и одлучувачки”.
„Воопшто не бев изненаден од начинот на кој Порто го започна натпреварот. Знаев дека за противник имаме квалитетен тим со многу опасни напаѓачи”.
„По негативата од два гола заигравме подобро, постигнавме гол и имавме шанси за изедначување. Но и Порто одигра добро во денфанзива”.
Извор: 24FUDBAL.com.mk
