Германија | Медиумите од Германија пренесуваат дека тренерот на Борусија Дортмунд, Јирген Клоп побарал од управата на клубот да замине по крајот на сезоната...



Денешното издание на Bild вели дека 47 годишниот стратег, кој е обврзан кон ’Милионерите’ до 2018, чуствува дека по седум сезони на Сигнал Идуна Парк е истоштен, па сака да стави крај на авантурата и да направи пауза од фудбалот.
 
Борусија Дортмунд закажа прес конференција за попладнево, се очекува клубот да го потврди заминувањето на Јирген Клоп.
 
Bild додава дека ’Милионерите’ веќе имаат пронајдено замена, Томас Тухел треба да седне на жешкото столче на Сигнал Идуна Парк.
 
41 годишниот стратег и пред седум години се најде во слична ситуација, кога Јирген Клоп го напушти Мајнц за да се пресели во Борусија Дортмунд.
 
Тогаш Томас Тухел го превзеде кормилото на Мајнц и за кратко време се промовираше во еден од најдобрите млади тренери во Германија.

Извор: 24FUDBAL.com.mk