Македонија | Македонската фудбалска репрезентација има скок од три позиции на најновата ФИФА ранг листа и покрај тоа што не оствари победа во натпреварите против Белорусија и Австралија...



По пауза од три месеци, Македонија напредува на ФИФА ранг листата. Нашата селекција претрпе пораз од Белорусија и одигра реми против Австралија, но тоа се покажа доволно за да скокне на 105 позиција која секако е далеку од поволна.
 
Од нашите противници во групата најдобра е Шпанија која се врати во топ 10, Словачка е 20., Украина 22., Белорусија има скок од цели 15 позиции по победата над Македонија, па сега е на 83. место, послаб од нас е единствено Луксембург на 137. позиција.
 
На врвот и понатаму е Германија, а во најдобрите десет се и селекциите на Аргентина, Белгија, Колумбија, Бразил, Холандија, Португалија, Уругвај, Швајцарија и Шпанија.

Извор: 24FUDBAL.com.mk