Шпанија | Иако сеуште не го презентирал големиот талент пред шириокиот фудбалски аудиториум, норвешкото чудо од дете, Мартин Одегард веќе почна да не ги почитува соиграчите и тренерите во Реал Мадрид...



16-годишниот фудбалер засега настапува за вториот тим на Реал Мадрид кој го предводи Зинедин Зидан, а по последните инциденти Одегард го загуби местото и во Б тимот на „кралевите“.
 
Според пишувањата на шпанскиот „АС", вообразениот Одегард одбива да тренира со своите врсници сметајќи дека е доволно добар за првиот тим на Реал Мадрид.
 
Клубот имал состаноци со неговите родители на кои им било објаснето дека за младиот фудбалер е подобро да тренира во вториот тим со цел да продолжи да се развива, но очигледно разговорите не вродиле со плод.
 
Соиграчите од Б тимот на Реал Мадрид не биле задоволни од однесувањето на Одегард, а тој имал кавга и со тренерот Зинедин Зидан, по што Зизу го преселил на клупата за резерви.
 
Одегард е еден од најголемите таленти во фудбалскиот свет, но неговото вообразено однесување може да му создаде само проблеми во кариерата.

Извор: 24FUDBAL.com.mk