Македонија | Работнички со 2-0 го совлада Силекс на „Филип Втори“ арената и го помина Вардар на табелата кој утре го игра својот натпревар од ова коло...
Со денешните три бода, Работнички за момент се искачи пред Вардар на табелата во македонското фудбалско првенство.
„Романтичарите“ го победија Силекс со 2-0 и сега имаат два бода повеќе од Вардар кој утре игра со последно пласираниот Тетекс.
Резултатот го отвори Горан Силјановски во 35. минута, конечните 2-0 беа поставени на десет минути пред крајот кога Илијоски ја затресе мрежата.
Металург со 3-1 славеше над Пелистер кој продолжи со очајните резултати во вториот дел од сезоната иако се најавуваа подобри денови за битолскиот клуб.
Наумовски, Ѓоргиевски и Радески беа стрелците за Металург, Билали погоди за Пелистер.
Брегалница со погодок на Ступиќ дојде до три бода од гостувањето кај Хоризонт Турново.
Утре се играат натпреварите Вардар - Тетекс и Шкендија - Ренова.
Табела: Работнички 51, Вардар 49 (-1), Шкендија 40 (-1), Ренова 36 (-1), Силекс 30, Металург 29, Турново 25, Пелистер 19, Тетекс 9.
Извор: 24FUDBAL.com.mk
