Англија | Медиумите од Бразил пренесуваат дека ’Сините’ се во пол-позиција за ангажман на новиот бразилски феномен Кенеди...



19 годишниот офанзивен фудбалер на Флуминенсе се најавува како наследник на Нејмар, и голем број на клубови од Европа се во трка за неговиот потпис.
 
Се шпекулира дека Манчестер Јунајтед, Челзи, Барселона, Интер и Јувентус се обидуваат да стигнат до услугите на Кенеди.
 
Последните извештаи кои пристигнуваат од Бразил велат дека ’Сините’се во пол-позиција за ангажман на играчот.
 
Globo Esporte пренесува дека Флуминенсе е во напредни преговори со инвестициски фонд за продажба на Кенеди за 8 милиони евра.
 
Бразилецот потоа ќе биде продаден на Челзи, каде ќе им се придружи на сонародниците Оскар, Вилиан, Рамирес, Филипе Луис и Диего Коста.

Извор: 24FUDBAL.com.mk