Англија | Тренерот на Реал Мадрид Б, Зинедин Зидан признава дека ’Кралевите’ го следат прогресот на Рахим Стерлинг од Ливерпул...



Репрезентативецот на Англија во последно време е често во центарот на вниманието откако одби неделна плата од 100 000 фунти и ги одложи преговорите за нов договор за по крајот на сезоната.
 
Рахим Стерлинг се поврзува со неколку клубови, шпекулациите велат дека интерес за услугите на офанзивниот фудбалер пројавуваат Арсенал, Челзи, Манчестер Сити, Манчестер Јунајтед, Баерн Минхен и Реал Мадрид.
 
Во разговор со медиумите од ’Островото’, Зинедин Зидан сега потврди дека ’Кралевите’ добро внимаваат на Рахим Стерлинг.
 
„Знаеме кој е Рахим Стерлинг” – вели тренерот на Реал Мадрид Б. „Секако дека го следиме неговиот прогрес”.
 
„Малку играчи можат да го подобрат составот на Реал, па логично е да внимаваме на еден од најдобрите млади играчи”.
 
„Го следевме Герет Бејл повеќе од една година, истото важи и за Иско и Рафаел Варан”.
 
„Следиме многу млади играчи во Европа, и доколку почуствуваме дека некој може да му понуди нешто на Реал стапуваме во контакт со неговиот клуб и се обидуваме да го направиме следниот чекор”.

Извор: 24FUDBAL.com.mk