Англија | Менаџерот на Ливерпул, Брандан Роџерс демантира дека свикал кризен состанок по тешкиот пораз од 4-1 на гостувањето кај Арсенал...
Во саботата ’Црвените’ доживеаа нов пораз кој драстично им ги намали шансите за топ четири пласман, па Брендан Роџерс закажал кризен состанок
Според денешното издание на Daily Mirror, менаџерот на Ливерпул, Брендан Роџерс обвинил неколку играчи дека ’не играат за него’.
Весникот исто така пренесе дека некои од фудбалерите со подолг стаж на Енфилд биле разорачни од ваквите обвинуња и реагирале гневно.
Брендан Роџерс попладнево се појави на прес конференција во пресрет на реванш дуелот со Блекбурн во четврт-финалето од ФА Купот, предводникот на ’Црвените’ потврди дека имало средба помеѓу стручниот штаб и играчините, но демантираше дека се работеле за кризен состанок.
„Утрово ги слушнав сториите” – вели Роџерс. „Имаме многу состаноци на кои ги анализираме перформансите”.
„Последниот состанок не беше ништо поразличен од она што го правиме цела година”.
„Токму овие состаноци ни помогнаа да ја подигнеме формата по лошиот старт и придонесе да забележиме 10 победи на 13 натпревари”.
„Не беше нешто посебно, едноставно ги анализираме перформансите, дискутиравме за тоа што треба да се направи следно”.
„Има уште седум натпревари до крајот на сезоната, како и четврт-финалето од ФА Купот, па треба да оствариме одредени цели”.
„За жал медиумите пренесоа дека на состанокот се случувало нешто друго”.
Извор: 24FUDBAL.com.mk
