Македонија | Поради лошите резултати на репрезентацијата и притисокот од јавноста, Итлија Најдоски си поднесе оставка на функцијата менаџер во репрезентацијата на Македонија...



Македонската фудбалска репрезентација се чини дека ги живее своите најлоши денови, резултатите се очајни, а кулминацијата беше достигната со поразот од Белорусија во Скопје.
 
Резултати нема, играта е лоша, а како резултат на тоа стадионот е срамно празен. Фудбалската јавност во Македонија сака оставка од Бошко Ѓуровски, но тој засега не ни помислува на такво нешто.
 
Прв кој се реши да превземе одговорност поради слабите резултати е менаџерот на репрезентацијата, Илија Најдоски кој денеска си поднесе оставка на својата функција.
 
Оставката на Најдоски би требало да биде само наговестување за поголеми промени, деновите на Ѓуровски се одбројани, останува да се види дали тој самиот ќе замине од селекторската позиција или ФФМ ќе се реши да му врачи отказ и покрај тоа што за таквиот потег ќе треба да плати дебела оштета.

Извор: 24FUDBAL.com.mk