Англија | Германската легенда, Франц Бекенбауер смета дека дефанзивецот на Борусија Дортмунд, Матс Хумелс е на идеална возраст за трансфер во Премиерлигата...



26-годишниот Хумелс постојано се поврзува со трансфер во Манчестер јунајтед, очекувањата се дека тоа ќе се случи во летниот преоден рок.
 
„Хумелс има 26 години, тоа се најдобрите години за преселба во Англија. Можам да го разберам зошто размислува за таа опција" - вели Бекенбауер за Билд.
 
Легендата на германскиот фудбал кој помина 13 години од својата кариера во Баерн Минхен, открива дека на слична возраст како и Хумелс бил пред преселба во Интер.
 
„Во 1966 потпишав пред-договор со Интер. Но тогаш Италија ги затвори границите за странските фудбалери, па не отидов во Милано".
 
„Пред Светското првенство во 1966 го потпишав договорот со Интер вреден 450 000 евра што за тој период беше огромна цифра. Тоа време Италија беше единствената опција бидејќи таму беше фудбалот".
 
„Интер беше на врвот со Факети, Сандро Мацола и легендарниот тренер Хеленио Херера".

Извор: 24FUDBAL.com.mk