МЕНИ

Италија | Медиумите од Италија пренесуваат дека сопственикот на Милан, Силвио Берлускони вчера во доцните вечерни часови имал средба со бизнисмен од Кина...

Подолго време се говори дека Милан ќе добие нов сопственик, но од таборот на ’Росоњерите’ постојано демантираат дека клубот ќе биде продаден.

Вчера одново се појавија слични стории, медиумите пренесоа дека Силвио Берлускони дал зелено светло за продажба на Милан на група инвеститори од Кина.

Ваквите информации одново беа негирани, извори блиску до поранешниот Премиер на Италија демантираа дека Силвио Берлускони подал рака за продажба на Милан.

Сепак, камерите на Sky вчера во доцните вечерни часови успеаа да го уловат бизнисменот од Хонг Конг, Ричард Ли како ја напушта резиденцијата на Силвио Берлускони.

Медиумите од Италија пренесуваат дека Ричард Ли е преставник на конзорциум од Кина, но не е јасно кој стои зад понудата, се шпекулира со имањата на Зонг Кингу од групацијата Вахаха, и Пое хер Јинг Вангсуо.

Тајландскиот бизнисмен, Би Таечобол останува заинтересиран за превземања на Милан, но по вчерашниот состанок, Кинезите се во пол-позиција.