Англија | Мадридскиот весник „АС“, пишува дека доколку Реал Мадрид не успее во обидот да го ангаќира Давид Де Геа, ќе се насочи кон Петр Чех кој е многу пореална опција...



Весникот пишува дека Реал Мадрид нема намера да понуди огромна сума за услугите на Давид Де Геа бидејќи на голманот ќе му остане уште една сезона од актуелниот договор со Манчестер јунајтед, па доколку одбие да го продолжи, шпанскиот гигант би можел да го ангажира бесплатно во 2016 година.
 
Де Геа е целта број еден на Реал Мадрид и доколку Манчестер јунајтед прифати разумна понуда, тој од следната сезона ќе застане меѓу стативите на Сантијаго Бернабеу.
 
Реал Мадрид има и резервна опција, доколку не успее во обидот да го ангажира Де Геа, ќе тргне по Петр Чех.
 
Чех не сака уште една сезона да седи на клупата на Челзи, во летниот преоден рок сигурно ќе ја промени средината, а Реал Мадрид би бил повеќе од примамлива опција за чешкиот голман.

Извор: 24FUDBAL.com.mk