Германија | Агентот на Кевин Де Брујне вели дека постои интерес за услугите на неговиот клиент, но негира дека се во преговори со Баерн Минхен...



Репрезентативецот на Белгија прикажува одлични партии по преселбата на Волксваген Арената, тој е главна ѕвезда на ’Волците’ оваа сезона, па го привлече вниманието на голем број клубови.
 
Се говори дека Баерн Минхен, ПСЖ и Манчестер Сити се подготвени да го одврзат ќесето за да стигнат до потписот на Кевин Де Брујне.
 
Во разговор со Focus, агентот на играчот потврди дека постои интерес за услугите на неговиот клиент, но негираше дека се во преговори со Баерн Минхен.
 
„Секогаш има заинтересирани тимови, остварив неколку информативни контакти” – вели Патрик Де Костер.
 
„Луѓе ме прашуваа како е Кевин, како забележал одличен прогрес и прикажува добри игри. Но ова е нормално”.
 
„Конкретни понуди до овој момент немам добиено”.
 
„Не сме преговорале со Баерн Минхен, ова е 100% точно”.
 
„Доколку сакате да знаете каква е намерата на ’Бавараците’ треба да разговарате со Матијас Замер (спортскиот директор на Баерн) и Михаел Решке (техничкиот директор на Баерн)”.
 
„Долго време соработувам со Михаел Решке но тоа не значи ништо”.

Извор: 24FUDBAL.com.mk