Италија | Претседателот на ’Сицилијанците’, Маурицио Зампарини потврди дека напаѓачот Пауло Дибала ќе замине по крајот на сезоната...



Аргентинецот е желба на неколку клубови, а за неговите услуги Палермо бара најмалку 40 милиони евра.
 
„Јасно е дека Дибала ќе замине” – вели Маурицио Зампарини во раговор со GR Parlamento.
 
Претседателот на Палермо исто така му порача на Јувентус што поскоро да достави понуда, и додава дека Наполи овој пат ќе треба навистина да го одврзе ќесето доколку сака да стигне до нивниот играч.
 
„Добив неколку конкретни предлози, два клуба понудија по 30 милиони евра, но веќе кажав дека барам 40 милиони евра”.
 
„Јувентус? Зделката би можеле да се реализира. Во контакт сум со Бепе Марота (генералниот директор на Јуве). Знае дека треба да побрза, и други клубови се во трката за потписот на играчот”.
 
„Наполи? Де Лаурентинс е заинтересиран, но му кажав да не помислува на нов Кавани (Наполи го купи напаѓачот од Палермо за само 17 милиони евра), овој пат ќе треба сериозно да го одврзе ќесето”.

Извор: 24FUDBAL.com.mk