МЕНИ

Германија | Главниот финансиски директор на ’Баварците’, Јан Кристијан Дресен вели дека тие можат да им конкурираат на ривалите од Европа на трансфер пазарот и да одвојат 100 милиони евра за ангажман на фудбалер...

Баерн Минхен е помеѓу петте најбогати клубови во светот на фудбалот но премногу не се расфрла со пари како поголемиот дел од топ клубовите ширум Европа.

Најскап трансфер во историјата на ’Баварците’ е Хави Мартинез, за услугите на Шпанецот тие платија 40 милиони евра во 2012.

Во разговор со Kicker, главниот финансиски директор на шампионот на Германија, Јан Кристијан Дресен навестува дека ова лесно би можело да се промени во иднина.

Тој вели дека Баерн можат да им конкурираат на ривалите од Европа на трансфер пазарот, па дури и да одвојат 100 милиони евра за ангажман на фудбалер.

„Наједноставно ќе биде да кажам дека Баерн никогаш нема да плати 100 евра за еден играч” – вели Дресен.

„Но нема да го сторам тоа. Не сакам еден ден да си го погазам зборот”.

„Па ќе кажам да. Можеме да платиме 100 милиони евра за играч”.

„Секако, ќе треба да се работи за интелегентна инвестиција. Ќе треба да ангажираме играч што ќе се вклопи во Баерн, а не да се насочиме кон најскапиот фудбалер на трансфер пазарот”.