МЕНИ

Евро 2016 | Црногорскиот навивач, Лука Лазаревиќ кој предизвика страшен инцидент кога со факел го погоди голманот на Русија, Игор Акинфеев, се извини за немилиот настан за кој тврди дека бил случаен...

Натпреварот помеѓу Црна Гора и Русија го одбележаа серија инциденти, а најсериозен беше оној во првата минута кога навивачот Лука Лазаревиќ со факел во глава го погоди Игор Акинфеев кој заврши во болница.

Инцидентот ја згрози фудбалската јавност но и цела Црна Гора, реакициите доаѓаа од сите страни, а наскоро ќе бидат соопштени и казните кои се очекува да бидат големи.

Лазаревиќ во саботата и се предаде на полицијата која го бараше, тој покрај тоа што се извини, се правдаше и дека инцидентот бил случаен.

„Кога почна натпреварот некој фрли факел кој падна пред мене. Се исплашив да не ме изгори мене и луѓето околу мене, па инстиктивно го фрлив во теренот. Додека паѓаше забележав дека лета кон рускиот голман, бев шокиран, да можев да се симнам прв ќе му помогнев" - изјави навивачот Лазаревиќ.

„Жал ми е за целиот случај, му се извинувам на Акинфеев, на Фудбалската Федерација на Русија, на нашата репрезентација и на целата нација".