МЕНИ

Останато | Екипата на шведскиот третолигаш Далкурд во која член е и поранешниот фудбалер на Вардар, Предраг Рангеловиќ во последен момент го откажала летот со авионот кој денеска се урна во Франција...

Шведскиот клуб, Дакурд за кој неодамна потпиша Рангеловиќ, бил на подготовките во Шпанија и утринава требал да се врати во Шведска, францускиот весник „Л’Екип“ објави дека раководството на клубот имало купено билети за летот кој заврши со смрт на целиот екипаж.

Планот бил тимот да лета заедно со Ербасот 320 до Дизелдорф, но поради тоа што требало многу да чекаат во германскиот град, во последен момент одлучиле да ја променат маршутата, одлука која им ги спасила животите.

Сите 150 патници и членови на екипажот на „Џерман Вингс“ утрово загинаа откако авионот Ербас 320 се урна во француските Алпи.

„Требаше да летаме преку Дизелдорф, но откако видовме декаима премногу чекање до следниот лет, инсистиравме на промена, па играчите се поделија во два лета преку Цирих и еден преку Минхен. Во тој период имаше четири авиони кои летаа преку Алпите, нашите играчи беа во три од нив. Среќни сме што го пропуштивме кобниот лет, но и тажни сме поради судбината на патниците кои летаа во авионот кој се сруши. Испраќаме сочувство на нивните семејства" - изјави директорот на клубот, Адин Кизил.

Во градот Борлење од каде што е шведскиот клуб завладеало огромна паника бидејќи фудбалерите не ги информирале домашните дека го промениле летот, но на крајот нивната приказна завршила со среќен крај.