Англија Немања Видиќ ги отфрла шпекулациите кои го поврзуваат со можна преселба во Шпанија и вели дека сака да остане во Манчестер Јунајтед

Медиумите подолго време шпекулираат за иднината на српскиот интернационалец и се говореше дека по крајот на сезоната Видиќ би можел да му се приклучи на Кристијано Роналдо во Реал Мадрид.

Но дефанзивецот на Црвените Ѓаволи, кој сеуште нема настап оваа година поради мистериозна повреда на нервот на ногата, вели дека планира да остане на Олд Трафорд до крајот на својот договор.

“Ќе повторам по стоти пат, мојот договор со Манчестер Јунајтед истекува во јуни 2012 и сакам да останам на Олд Трафорд до последниот ден.” – рече Видиќ за Vecernje Novosti.

“Само ова е вистината, се останато се безцелни приказни.”

28 годишниот Видиќ исто така негира дека е во контакт со некој друг клуб од Европа.

“Направив кариера во Манчестер и целосно го почитувам тоа. Никој не ме контактирал и не сум разговарал со никого.”

За својата повреда, дефанзивецот додаде: “Најпрво имав проблеми со листот на ногата, подоцна започнав да тренирам порадно од предвиденото и почувствував силна болка во задниот дел на листот.”

“Но сега сум здрав.... Се чувствувам добро и верувам дека ќе се вратам во целосен фитнес.”

Powered by: 24 FUDBAL.com.mk