Англија | Со два гола на Хуан Мата, Манчестер јунајтед со 2-1 славеше на гостувањето кај Ливерпул во важен натпревар за позициите кои водат во Лигата на шампионите...



Ливерпул се надеваше дека со победа над Манчестер јунајтед ќе влезе меѓу најдобрите четири на табелата, но директната битка ја добија „црвените ѓаволи“.
 
Хуан Мата беше херој на Манчестер јунајтед, ги постигна единствените два гола за неговиот тим, можеа и до трет погодок, но Руни не реализираше пенал во финишот од натпреварот.
 
Трагичар на Ливерпул е капитенот Стивен Џерар кој за само 40 секунди во второто полувреме во кое влезе од клупата, заработи црвен картон поради намерен старт вез Ерера.
 
Се што направи Ливерпул е намалување на резултатот со гол на Стариџ, но не успеа и да се спаси од пораз.
 
По 30 одиграни кола Ливерпул има 54 бода, сега е на пет негатива од Манчестер јунајтед и шест од Арсенал со кој игра во следното коло.

Извор: 24FUDBAL.com.mk