Италија | Агентот на Симоне Заза ги демантира сториите кои велеа дека напаѓачот на Сасуоло се договорил со Јувентус...



’Бјанконерите’ во 2014 го продадоа италијанскиот репрезентативец на Сасуоло, но во договорот вметнаа откупна клаузула според која можат да го вратат играчот во следните две години.
 
Оваа недела се појавија стории кои велеа дека Јувентус уште ова лето ќе ја активира клаузулата и за 15 милиони евра ќе го купи Симоне Заза.
 
Извештаите велеа дека ’Старата Дама’ веќе се договорила со играчот, кој по преселбата во Торино ќе стави потпис на договор со трајност до 2019 и ќе заработува 2 милиони евра по сезона.
 
Сепак, агентот на Симоне Заза попладнево ги демантираше ваквите стории.
 
„Искрено не знам ништо за написите што ги прочитав” – рече Кристијан Маифреди за TuttoJuve.
 
„Не знам ништо за состаноци, договори или слични вакви работи кога е во прашање Симоне. Нема вистина во сториите”.
 
„Во моментов тој е фудбалер на Сасуоло, ќе видиме дали летоска ќе има преговори. Во моментов нема ништо”.

Извор: 24FUDBAL.com.mk