Шпанија | Агентот на Пол Погба, Мино Раиола вели тие не се заинтересирани за преселба во Реал Мадрид, посакуваат клуб кој ќе верува во потенцијалот на играчот...
’Кралевите’ се посочуваат како еден од клубовите кои се спремни да платат мало богатство за услугите на Пол Погба, но Карло Анчелоти неодамна негираше дека тие се заинтересирани за услугите на Французинот.
Исто таа се појавија и шпекулации кои велеа дека Реал Мадрид нема да достави понуда за фудбалерот од средниот ред се додека негов агент е контроверзниот Мино Раиола.
Во разговор со L’Equipe, Мино Раиола сега во свој стил ја нападна трансфер политиката на ’Кралевите’ и истакна дека Пол Погба не е заинтересиран за трансфер на Сантијаго Бернабеу.
„Нема проблем доколку Реал не го сака Погба!” – вели Раиола. „Доколку ова е точно, ниту ние не сме заинтересирани за Реал!”
„Никогаш не сум го понудил Пол на Реал, ниту пак сум ги молел да го купат”.
„Реал е клуб кој има навика да купува играчи како да се работи за крпи, и потоа ги фрлаат како крпи”.
„Реал е тим што гледа како играч има шест добри натпревари на Светско Првенство и веднаш го купува”.
„Не сакаме да одиме во ваков клуб. Сакаме клуб кој верува во потенцијалот на Пол. Не ја затварам вратата за Реал, но ниту пак ја отварам”.
„Сите велат дека Погба е игрч со еден од најголемите потенцијали што некогаш ги виделе. Го продолживме договорот со Јуве до 2019 бидејќи тоа беше најдобрата опција”.
„Доколку некој клуб е заинтересиран за Погба, ќе слушнеме што има да каже, но парите нема да бидат пресудни. Погба ќе се пресели онаму каде што ќе биде среќен.”
Извор: 24FUDBAL.com.mk
