Македонија | Селекторот на македонската фудбалска репрезентација, Бошко Ѓуровски денеска го објави списокот на фудбалери за дуелот со Белорусија, на него има неколку дебитанти меѓу кои и братот на Немања Матиќ, Урош Матиќ...
Селекторот го објави списокот за квалификацискиот дуел против Белорусија на 27. март, и пријателскиот натпревар против Австралија три дена подоцна.
Свое деби за Македонија ќе има Енис Барди од Ујпеш, а за Матиќ сеуште се чека официјална дозвола од ФИФА. На списокот од 22 фудбалери повторно е Марио Ѓуровски како и Ферхан Хасани и Даниел Георгиевски.
Селекторот како никогаш досега повика дури шест фудбалери од македонското првенство, Пачовски и Блажевски од Вардар, Радески од Металург, Велковски од Работнички, Положани и Тодоровски од Шкендија.
Списокот на фудбалери за дуелите со Белорусија и Австралија:
Голмани: Томе Пачовски, Кристијан Наумовски, Мартин Богатинов
Одбрана: Ваннче Шиков, Бојан Марковски, Даниел Георгиевски, Дарко Велковски, Кире Ристовски, Стефан Ристовски
Среден ред: Аријан Адеми, Урош Матиќ, Артим Положани, Енис Барди, Александар Трајковски, Марио Ѓуровски, Ферхан Хасани, Благоја Тодоровски, Маријан Радески, Агим Ибраими
Напад: Дејан Блажевски, Крсте Велковски, Бесарт Абдурахими.
Извор: 24FUDBAL.com.mk
