Англија | Луи ван Гал вели дека не го понижил Фалкао со тоа што го ставил да игра со младинскиот тим на Јунајтед, смета дека напаѓачот треба да продолжи да се бори за место во првиот тим...



Фалкао се мачи во Манчестер јунајтед и многу голема е веројатноста дека ќе го напушти Олд Трафорд по само една сезона.
 
Во вторникот Фалкао одигра за младинскиот тим на Јунајтед, па многу медиуми овој потег на Ван Гал го оценија како понижување на фудбалерот.
 
„Прочитав во многу весници дека сум го понижил фудбалерот, но јас не мислам така. Менаџментот, клубот и фудбалерот се однесуваат професионално. Не настапи само Фалкао на тој натпревар, бранеше Виктор Валдес, а играше и Рафаел" - вели Ван Гал.
 
Пред да се пресели во Монако, Фалкао на 68 натпревари за Атлетико Мадрид постигна 52 гола.
 
„Понекогаш фудбалерите можат да дадат фантастични перформанси во една земја, но не и во друга. Тоа нема да биде прв пат, нема ни последен".
 
„Во клуб како Манчестер јунајтед е уште потешко да ја вратите формата. Тој има конкуренција. Знае дека Вејн Руни е напаѓач и во моментов постигнува голови".

Извор: 24FUDBAL.com.mk