Англија | Арсен Венгер ги потврди песимистичките прогнози за повредата на Алекс Окслејд Чемберлејн, Англичанецот ќе паузира четири недели...



Фудбалерот од средниот ред ја повреди задната ложа на дуелот со Манчестер Јунајтед во понеделникот.
 
Вчера врз играчот беа направени детални тестови, кои ги потврдија најпесимистичките прогнози.
 
Зборувајќи на денешната прес конференција, Арсен Венгер потврди дека нема да може да смета на Алекс Окслејд Чемберлејн четири недели.
 
„Се работи за класична повреда на задната ложа и ќе паузира три недели, четири најмногу” – рече менаџерот на Арсенал.
 
„Фрустриран е од ваквиот развој на настаните, но оваа сезона одигра најмногу натпревари”.
 
„Во последно време често се мачеше со ситни повреди, но во понеделникот уште еднаш покажа дека може да биде важен играч за Арсенал”.
 
Матју Фламини се опорави од повредата и одново е на располагање, но Џек Вилшер сеуште е надвор од стројот.

Извор: 24FUDBAL.com.mk