Лига на Шампиони | Шалке вложи огромен напор за да го елиминира Реал Мадрид од Лигата на Шампионите, избраниците на Ди Матео претрчале дури 9,4км повеќе од фудбалерите на Реал Мадрид...



Клубот од Гелзенкирхен вчера беше на чекор до голема сензација, на Шалке му недостасуваше само гол за да го елиминира Реал Мадрид од Лигата на Шампионите.
 
И покрај тоа што важеа за аутсајдери, избраниците на Ди Матео славеа со 4-3 на Сантијаго Бернабеу, па со исправени глави го напуштаат најелитното европско натпреварување.
 
Статистиката покажува дека тие претрчале речиси 10км повеќе, или поточно 9,4км.
 
Дури тројца играчи на Шалке ја надминале бројката од 12км. Нојштадтер претчал најмногу 12,4км, Макс Мејер 12,2км и Клас Јан Хунтелар 12км.
 
Тони Крос ја предводи листата кај ’Кралевите’ со 11,8 км, додека пак Кристијано Роналдо со 10,2 км претрчал најмалку од фудбалерите на Реал кои останале на теренот до последниот свиреж.
 
За пофалба се и двете замени на Шалке, стрелецот Сане претрчал 8,5км за 60 минути игра, а уште поимпресивен е Горецка, кој на теренот помина половина час а претрчал 5,2км.

Извор: 24FUDBAL.com.mk