Англија Голманот на Челзи, Петр Чех веле дека е подготвен да остане уште десет години на Стемфорд Бриџ доколку се чувствува физички спремен

Чех беше критикуван на почетокот од сезоната кога избраниците на Карло Анчелоти примаа погодоци од прекини, но во последно време голманот прикажува одлични перформанси и брани во топ форма.

27 годишниот голман има договор со Сините до 2013 и на прашањето дали е подготвен да остане уште десет години во клубот тој рече: “Доколку останам фит, барем како што сум сега, тогаш ќе играм се додека можам бидејќи кариерата е прилично кратка и сите сакаат да го искористат максимумот.”

“Се зависи од тоа колку сте фит и колку добро играте бидејќи одеднаш може да се случи да не бидете брзи како во минатото и да немате толку добри рефлекси.”

“Можете да компензирате малку со искуството, но секогаш доаѓа момент кога знаете дека работите повеќе нема да бидат исти, па се зависи од тоа кога ќе дојде тој момент.”

Powered by: 24 FUDBAL.com.mk