МЕНИ

Лига на Шампиони | Давид Луиз очекува Челзи да одигра дефанзивно на реваншот со ПСЖ, но предупредува дека ваквата тактика на Жозе Мурињо може скапо да ги чини ’Сините’...

Челзи обезбеди добар резултат од гостувањето на Паркот на Принцовите во првиот натпревар, па ПСЖ сега во Лондон ќе мора да постигне гол.

Давид Луиз, кој го напушти Стемфорд Бриџ во јуни и се пресели во Париз, очекува Жозе Мурињо да постави дефанзивна тактика и да го паркира автобусот пред голот.

Бразилецот исто така предупредува дека ваквиот пристап може скапо да ги чини ’Сините’ бидејќи ПСЖ во нападот располага со играчи како Златан Ибрахимовиќ, Единсон Кавани и Езекиел Лавеци.

„Знам како Жозе ќе се подготви за овој натпревар” – вели Давид Луиз. „Ќе им каже на момците да бидат трпеливи и да напаѓаат преку контри”.

„Знае дека ПСЖ мора да постигнеме гол и дека тие не мораат. Ова е неговиот начин на размислување, сигурен сум во тоа”.

„Мораме да бидеме внимателни бидејќи Челзи е способен да ни создаде големи проблеми со брзите против напади”.

„Но и тие мораат добро да внимаваат. Да се браните против Златан, Кавани и Лавеци може да биде многу опасно”.

„Важно е да веруваме дека можеме да победиме, и тимот верува во победа. Мислам дека бевме подобриот тим на првиот натпревар”.

„Доколку Челзи го немаше Куртоа на голот, сигурно ќе победевме. Тој беше неверојатен, јасно е дека Челзи помеѓу стативите има еден од најдобрите голмани во светот”.