Англија | Статистиката покажува дека напаѓачот на Арсенал, Дени Велбек има подобра сезона од напаѓачот на Манчестер Јунајтед, Радамел Фалкао...



Во последниот ден од летниот преоден рок, ’Црвените Ѓаволи’ го засилија нападот со Радамел Фалкао, и за да направат место за ’Ел Тигре’ го продадоа Дени Велбек на Арсенал.
 
Репрезентативецот на Англија вчера се врати на Олд Трафорд и постигна гол со кој на ’Топџиите’ им донесе пласман во полу-финалето од ФА Купот.
 
По крајот на средбата, Луј ван Гал беше запрашан дали погрешил кога го продал Велбек за да направи место за Фалкао, а Холанѓанецот истакна дека не жали за ваквата одлука.
 
„Фалкао има постигнато четири погодоци, има три или четири асистенции и ги стимулира останатите играчи” – рече менаџерот на Манчестер Јунајтед.
 
Медиумите од ’Островото’ веднаш направија анализа на сезоната што ја имаат двајцата играчи, статистиката покажува дека Дени Велбек е подобар.



Бројките во неколку категории се на страна на напаѓачот на Арсенал, Велбек настапил на 30 натпревари, упатил 69 удари, постигнал 8 погодоци, креирал 31 шанса за своите соиграчи и во два наврати бил асистент.
 
Радамел Фалкао пак има помала минутажа, зад своето име има само 20 настапи.
 
Колумбиецот упатил двојно помалку удари од Дени Велбек, постигнал двојно помалку голови и креирал само 14 шанси. Единствено е подобар кога се во прашање асистенциите, Колумбиецот забележал четири, односно двојно повеќе.

Извор: 24FUDBAL.com.mk