Останато | Генералниот секретар на ФИФА, Жером Валк вели клубовите нема да добијат обесштетување за ’зимскиот’ мундијал во Катар...



Светската куќа на фудбалот вчера официјално достави предлог Светското Првенство во 2022 да се организира во ноември и декември.
 
Ваквата одлука ќе придонесе голема промена во распоредот на првенствата, а најмногу се засегнати клубовите од Европа, од чии редови ќе дојдат најголемиот број на фудбалери што ќе настапат на мундијалот.
 
Првиот човек на Асоцијацијата на Клубови од Европа, Карл Хајнц Румениге вчера истакна дека промените ќе донесат дополнителни трошоци, па тие ќе бараат соодветно парично обесштетување.
 
Сепак, ФИФА нема намера да одвои дополнителни финансиски средства
 
„Нема да има обесштетување” – вели генералниот секретар на ФИФА, Жером Валк. „Се случува само еднаш, нема да го уништиме фудбалот”.
 
„Зошто да се извиниме? Имаме договор со клубовите и тие се дел од оние кои имаат корист”.
 
„Во 2010 добија 40 милиони долари а во 2014 добија 70 милиони долари”.
 
Валк исто така истакна дека речиси сите конфедерации побарале финалето да се одигра на 23. декември.

Извор: 24FUDBAL.com.mk