Англија | Миралем Пјаниќ се фокусира само на Рома вели дека ова не е прав момент да говори за евентуален трансфер во Ливерпул...



Менаџерот на ’Црвените’, Брендан Роџерс минатата недела беше во Рим, па почнаа да кружат гласини дека предводникот на Ливерпул бил на средба со лидерите на Рома за можен трансфер на Миралем Пјаниќ на Енфилд.
 
Извештаите велеа дека Ливерпул го идентификувал репрезентативецот на БиХ како идеална замена за капитенот Стивен Џерард, кој по крајот на сезоната ќе се пресели во ЛА Галакси.
 
’Црвените’ се подготвени да одвојат 50 милиони евра за услугите на 24 годишниот плејмејкер.
 
Сепак, Миралем Пјаниќ вели дека не е остварен никаков контакт со клубот од Енфилд.
 
„Не сум остварил контакт со Ливерпул, а и ова не е прав момент да разговараме на оваа тема” – рече Пјаниќ по вчерашниот дуел со Феенорд во Лига Европа.
 
„Фокусиран сум само на Рома”.

Извор: 24FUDBAL.com.mk