Англија | Според пишувањата на медиумите од ’Островото’, Челзи летоска ќе го обнови договорот на менаџерот Жозе Мурињо...



’Специјалниот’ во 2013 се врати на Стемфорд Бриџ и се обврза кон ’Сините’ до 2017.
 
Минатата сезона Челзи остана со празни раце, но на добар пат се оваа сезона да освојат трофеј.
 
’Сините’ имаат седум бода предност на врвот на табелата во Премиерлигата, играат против Тотенхем во финалето на Лига Купот а имаат и позитивен резултат од првата средба со ПСЖ во осмина-финалето од Лигата на Шампионите.
 
Според денешните изданија на The Times и The Sun управата на клубот е задоволна од работата на Португалецот па сака да го награди Жозе Мурињо со нов четири годишен договор.
 
Поради згуснатиот распоред во овој дел од сезоната, двете страни се договориле преговорите да бидат одложени за летоска.

Извор: 24FUDBAL.com.mk