МЕНИ

Англија | Според пишувањата на Bild, Марко Ројс го игнорирал телефонски повик на Луј ван Гал и одбил приватен авион и средба со сопственикот на ПСЖ во Париз...

На големо изненадување Марко Ројс пред десетина дена стави потпис на нов договор со Борусија Дортмунд и се обврза кон ’Милионерите’ до 2019.

Во претходниот договор на играчот имаше откупна клаузула според која Германецот можеше да замине за само 25 милиони евра, па многумина очекуваа фудбалерот да ја напушти Сигнал Идуна Парк по крајот на сезоната.

Денешното издание на Bild пренесува дека речиси сите европски гиганти стапиле во контакт со агентот на Марко Ројс, откако претседателот на Баерн, Карл Хајнц Румениге јавно ја соопшти сумата во откупната клаузула на репрезентативецот на ’Панцирите’.

Арсенал, Ливерпул, ПСЖ, Барселона, Реал Мадрид, Манчестер Сити, Манчестер Јунајтед, Челзи и Баерн Минхен биле заинтересирани за играчот.

Bild вели дека претседателот на ПСЖ, Насер Ал Келаифи испратил приватен авион за Марко Ројс да пристигне во Париз на преговори, но средбата никогаш не се реализирала.

Менаџерот на Манчестер Јунајтед, Луј ван Гал лично му се јавил на Марко Ројс, но фудбалерот го игнорирал Холанѓанецот.

Ројс не сакал да преговара со ниту еден друг клуб и во февруари му дал инструкции на својот агент да пронајде согласност со Борусија Дортмунд за нов договор, по што за кратко време ја продолжи верноста кон ’Милионерите’.