Лига Европа | Марио Балотели побара луѓето да престанат да прават драма од неговиот контроверзен пенал со кој Ливерпул стигна до триумф од 1-0 над Бешикташ...
Кон финишот на натпреварот во 1/16 – финалето од Лига Европа, судијата покажа на белата точка, а според договорот пред почетокот на средбата, Џордан Хендерсон требаше да ја изведе најстрогата казна.
Сепак, Марио Балотели стапи на сцена, му ја зеде топката на Хендерсон, и по кратка расправија прецизно го реализираше ударот од 11 метри.
Капитенот на Ливерпул, Стивен Џерард подоцна го обвини Марио Балотели дека покажал непочитување кон Џордан Хендерсон и истакна дека правилата морале да се почитуваат.
На адреса на ’Супер Марио’ пристигна многу критики, па играчот се огласи преку Инстаграм и порача дека луѓето треба да престанат да прават драма.
„Ти благодарам Хендо што ми дозволи да го изведам пеналот” – напиша Балотели.
„Престанете да правите драма. Победивме, и тоа е најважно. Ние сме тим, ние сме Ливерпул. Ајде момци”.
Извор: 24FUDBAL.com.mk
